JT het Elizma die eerste keer by die aksie-krieketbane raakgesien, waar sy saam met vriende gesit en ’n ander span ondersteun het. Alhoewel hulle “mutual friends” gehad het en al voorheen paaie gekruis het, het hul roetes mekaar nooit regtig ontmoet nie. Daardie dag was anders. Hy het op die baan langs haar gespeel, en dit was haar “sporty look” , hoedjie en poniestert wat sy aandag getrek het - ’n voorkoms wat hy tot vandag toe onthou as “effortlessly cute”.

Hul storie het amptelik in November begin toe ’n verjaarsdagboodskap vir Elizma se ma ,op Instagram, JT aangespoor het om in haar DM’s in te glip, vol selfvertroue en oortuig dat die beste mense in November verjaar (net een dag ná sy eie verjaarsdag). Van daar af het die gesprek natuurlik gevloei en gou hul gedeelde belangstellings onthul - ’n liefde vir aktief wees, goeie gesprekke, en ’n indrukwekkende waardering vir goeie wyn.

Ná daaglikse geselsies regdeur die Desembervakansie, het dinge ernstig geraak die oomblik toe Elizma terug huis toe gekom het. Hul eerste afspraak het tot vele ander gelei, en kort voor lank het hulle mekaar elke dag gesien. Een van hul eerste betekenisvolle oomblikke het gekom toe JT besluit het - met min ruimte vir debat - dat hulle saam aan ’n wedloop sou deelneem. Daardie dag het Elizma ’n persoonlike beste gehardloop, gedryf deur vasberadenheid en net ’n tikkie begeerte om hom te beïndruk.

Byna ’n jaar later, op die strand in Groot Brak, het JT vir Elizma gevra om met hom te trou. Al het sy dalk ’n klein vermoede gehad, hou sy vol dat dit steeds ’n verrassing was - veral toe sy sien hoe senuweeagtig hy was. Dit was ’n “magical” oomblik, en die perfekte begin van hul vir altyd.