'n Doodgewone Kaapstad nag, wemelende aandlewe en dowwe beligting. Die lug was versadig met opwinding en gelag van vriende na 'n lang dag se werk. Met net genoeg energie vir nog een rondte, besluit Andrea en vriende dit is tyd vir 'n laaste klinkie by 'n ander ligging - Village Idiot.
 
Daar aangekom, vang haar oog 'n lang man met donker hare. Sy oog kan haar ook nie mis nie. Die oogblikke het ’n spanningslyn geskep. Toe die man uiteindelik vra: “Wat drink jy?”, was die koeël deur die kerk. Na ure se gesels wat net soos minute gevoel het, was dit tyd vir huis toe gaan, maar hulle altwee het geweet dit sal nie die laaste gesels wees nie. Die begin van Andrea en Jacobus.
 
Dié eerste ontmoeting was maar net die voorwoord van ’n pragtige liefdesverhaal. Sedertdien het ons kosbare herinneringe saam gemaak - en ook saam met elkeen van julle. Nou kan ons nie wag om die volgende hoofstuk op ons troudag te begin en dit saam met julle te vier nie!