WAAR ALLES BEGIN HET

Jandré en Mariëtte – saamgevoeg deur God en gekies om vir ewig daar te wees vir mekaar, tot die dood ons skei. Hulle is bedoel vir mekaar: hul onselfsugtige liefde, hul enorme omgee-harte en hul opregte toewyding aan mekaar en aan almal om hulle.

Albei het op plase grootgeword, en al was hulle menige male op dieselfde plekke, het liefde eers regtig begin blom in die hartjie van die Cederberge. Jandré se voete is behoorlik onder hom uitgeslaan, en hy het geweet Mariëtte is sy trou-vrou. Só het hul verhaal afgeskop en het twee harte saam begin herinneringe bou.

In die Kokerboomwoud naby Vanrhynsdorp het Jandré op sy knie gegaan en Mariëtte gevra om sy vrou te word. Daar het ’n lewensdroom waar geword — ’n kosbare geskenk uit God se hand.

Jandré en Mariëtte se lewensreis begin amptelik op 12 September 2026, met Jesus as hul fondasie en hul geliefdes as hul ondersteuningsnetwerk.