TWEE HARTE WORD EEN

Liefde het ’n besondere manier om ’n mens onverwags te vind en jou wêreld vir altyd te verander. Twee mense uit verskillende wêrelde, heeltemal teenoorgesteldes van mekaar – die een waar tyd altyd genoeg is, en die ander waar daar nooit genoeg tyd is nie. Dit is presies die storie van ons liefde.

Ons verhaal het begin met ’n eenvoudige aanlyn boodskap, en ’n paar jaar later bestaan dit uit hope kilometers (196 km om presies te wees), talle trane, eindelose lag, onvergeetlike herinneringe en ongelooflik baie liefde.

Deur alles wat die lewe oor ons pad gebring het, was daar twee dinge wat ons gedra het: ons liefde vir God en ons liefde vir mekaar. Dit is die fondament waarop ons verhouding gebou is en die rede waarom ons vandag hier is.

Ons kan nie wag om hierdie spesiale dag saam met die mense naaste aan ons harte te vier nie!